isensv

Fréttir

Shopify, BlackBerry develop COVID-19 app; Canada to roll out voluntary tests

Canadian technology firms Shopify Inc and Blackberry Ltd are developing a mobile contact testing app for the novel coronavirus, Prime Minister Justin Trudeau said on Thursday.

California orders residents to wear masks in 'most settings outside the home'

California on Thursday ordered residents to wear masks in "most settings outside the home," saying the new rule was necessary because too many Californians were neglecting to cover their faces during the coronavirus pandemic.

New French coronavirus deaths steady, infections creep up

The number of people who died from coronavirus infection in France rose by 28 to 29,603 on Thursday, the same increase as Wednesday, but the number of new confirmed cases crept up again to reach a five-day high.

Hafðu samband

Áfram beðið eftir þjóðarspítalanum

08.05.2014
 Ekki var mikil glaðværð yfir ársfundi Landspítalans í vikunni. Það var helst að dagskrárliðurinn Starfsmenn heiðraðir fengi viðeigandi undirtektir og klapp. Ráðherra heilbrigðismála bar mikið lof á stjórnendur og starfsmenn spítalans en sagði um leið að ríkið hefði ekki bolmagn til að taka lán fyrir byggingu nýja þjóðarspítalans. Hann varpaði fram þeirri hugmynd hvort ekki væri skynsamlegt að selja eitthvað af eignum og fyrirtækum ríkisins til að standa undir byggingu nýs spítla. Hins vegar fylgdi ekki með hvaða fyrirtæki eða eignir kæmu hugsanlega til greina. Er ekki búið að selja allt nema orkufyrirtækin! Það eina sem virðist í sjónmáli er endanleg hönnun og bygging sjúkrahótels og bílastæðastæðahúss á Landspítalalóð en meðferðarkjarni og rannsóknarhús verða sennilega að bíða mörg ár til viðbótar. Þetta er nokkuð furðuleg forgangsröðun því einkaaðilar hafa þegar boðist til að taka að sér þá þjónustu, sem sjúkrahótel veita, á Park Inn hótelinu. Þannig ætti að vera mögulegt að brúa bilið næstu árin og tryggja að ráðist verði í byggingu þeirra bygginga á Landspítalalóð sem mest liggur á. Ljóst er þó að stór hluti framkvæmdanna verður ekki annað en endurbætur á gömlu húsnæði sem alls ekki uppfyllir þær kröfur sem háskólasjúkrahús nútímans verða að gera í dag. 
     Erindi Sigríðar Gunnarsdóttur, framkvæmdastjóra hjúkrunar, vakti mikla athygli og sýndi fram á hversu langt er í land með að Landspítalinn sé nægjanlega öruggur spítali. Ekki aðeins er starfsumhverfinu ábótavant heldur skortir mörg háþróuð lækningatæki sem teljast nauðsynleg í öllum nútíma háskólasjúkrahúsum. Má þar nefna nýjustu gerðir af aðgerðaþjark, jáeindaskanna (PET Scanner) og æðaþræðingastofu. Samanborið við Norðurlöndin er íslensk heilbrigðisþjónustu að dragast aftur úr. 
     Forsvarsmenn Landspítalans hafa um langt skeið haldið því fram að nýjar byggingar og flutningur allrar spítalastarfsemi á einn stað í borginni myndi fela í sér verulegan sparnað eða allt að þriggja milljarða hagræðingu. Árleg upphæð af þeirri stærðargráðu myndi sennilega duga til að borga niður lán fyrir framkvæmdinni á tiltölulega skömmum tíma. En er víst að allur  fjármagnskostnaður sé inni í þessum tölum. Væri e.t.v. ekki heppilegra að reikna allt dæmið upp á nýtt í stað þess að kasta frá sér árunum í miðjum brimgarðinum. Hér þarf því að hugsa stórt, hafa skýra heildarsýn og gera áætlun til lengri tíma.
 

Vefsíðugerð & vefhönnun: Smartmedia 2012