isensv

Fréttir

Shopify, BlackBerry develop COVID-19 app; Canada to roll out voluntary tests

Canadian technology firms Shopify Inc and Blackberry Ltd are developing a mobile contact testing app for the novel coronavirus, Prime Minister Justin Trudeau said on Thursday.

California orders residents to wear masks in 'most settings outside the home'

California on Thursday ordered residents to wear masks in "most settings outside the home," saying the new rule was necessary because too many Californians were neglecting to cover their faces during the coronavirus pandemic.

New French coronavirus deaths steady, infections creep up

The number of people who died from coronavirus infection in France rose by 28 to 29,603 on Thursday, the same increase as Wednesday, but the number of new confirmed cases crept up again to reach a five-day high.

Hafðu samband

Viðsnúningur eða kerfislægur vandi

23.09.2014
 
Á fyrstu mánuðum ríkisstjórnar Sigmundar Davíðs Gunnlaugsson á því herrans ári 2013 var ekki margt sem benti til þess að heilbrigðismál fengju einhvern forgang fram yfir aðra málaflokka. Það var því mikið gleðiefni að heyra heilbrigðisráðherrann lýsa því yfir í útvarpsþættinum á Sprengisandi sama sumar að heilbrigðisþjónusta þyrfti ekki endilega að vera öll á hendi ríkisins. Mörgum verkefnum væri hæglega unnt að sinna af sveitarfélögum og einkaaðilum.
 
 
Síðla sama árs boðaði sami ráðherra víðtækt samráð við sveitarfélögin um framtíðarskipulag heilbrigðisþjónustu á landsbyggðinni. Ekki er samt að sjá að heilbrigðisyfirvöld og sveitarfélögin hafi talað mikið saman eða langt mikla vinnu í að útfæra eða ná samstöðu um framtíðarskipan heilbrigðismála á landsbyggðinni. Sveitarstjórnarmenn fullyrða reyndar að eiginlegar viðræður aðila hafi aldrei átt sér stað. Á miðju sumri eða þann 9. júlí s.l. tilkynnti ráðherra um frekari sameiningu heilbrigðisstofnana í heilbrigðisumdæmum landsins. Þau áform fela m.a. að heilsugæslan á Akureyri og Hornafirði verði aftur flutt til ríkisins. Og er nú ekki annað að sjá en að öll heilbrigðisþjónusta að slepptum stofurekstri sérgreinalækna verði á forræði ríkisins um fyrirsjánlega framtíð.
 
 
Það kom því sjálfsagt engum á óvart að ráðherra heilbrigðismála skyldi í upphafi þings vera spurður um hvað hefði valdið þessari stefnubreytingu hjá honum. Björt Ólafsdóttir, þingmaður Bjartrar framtíðar, kvaddi sér hljóðs í fyrirspurnatíma á Alþingi 18. september s.l. og spurði sérstaklega um stefnumótun í heilsugæslu. Að hennar dómi væri ekki annað að sjá en að algjör viðsnúningur hefði orðið í málflutningi ráðherrans frá því á fyrstu starfsmánuðum núverandi ríkisstjórnar. Til frekari stuðnings þess sjónarmiðs vitnaði þingmaðurinn sömuleiðis til greinar í Læknablaðinu sumarið 2013.
 
 
Ráðherra heilbrigðismála steig í pontu og lagði áherslu á að í þessari umræðu skuli „rétt vera rétt.“ Bæjarstjórn Akureyrar hefði sjálf sagt upp samningnum um rekstur heilsugæslunnar þann 19. desember 2013. Uppsafnaður halli hefði þá numið um 160 milljónum og bæjarstjórnin hefði talið að hún þyrfti 60-80 milljónir til þess að geta rekið heilsugæsluna áfram. Taldi ráðherra engar forsendur fyrir því að tryggja aukafjárveitingu af þeirri stærðargráðu, auk þess sem fjárlög ársins 2014 höfðu þá þegar verið afgreidd. Niðurstaðan hefði því verið sú að rekstur grunnþjónustunnar væri betur kominn í höndum ríkisins. Þess utan hefðu úttektir landlæknis sýnt að sameinaðar heilbrigðisstofnanir á landsbyggðinni tryggi betri heilbrigðisþjónustu en áður var reyndin á flestum stöðum.
 
 
Mörgum kann að virðast að báðir aðilar hafi eitthvað til síns máls, en þegar nánar er að gáð þá er augljóst að rekja megi þær ógöngur sem heilbrigðisþjónustan hefur ratað í til þess hvernig haldið hefur verið á málum um langt skeið. Er þar nánast sama hvar borið er niður. Nýr Landspítali er fjarlægur draumur, heilsugæslan getur ekki rækt hlutverk sitt sem skyldi, læknaskortur er viðvarnandi, tækja- og tæknibúnaður er ófullnægjandi, biðtími eftir aðgerðum er lengri en þekkist annars staðar, jafnvel samkomulag um sjúkraflutninga er ekki í augsýn, svo fátt eitt sé nefnt. Þetta er með öðrum orðum enn ein birtingarmynd þess að alla framtíðarsýn skortir, skipulag starfseminnar er ófullnægjandi og ekki liggja fyrir áætlanir um hvernig ná megi mikilvægum markmiðum í heilbrigðismálum. Meginvandi heilbrigðiskerfisins er einfaldlega kerfislægur.
 

Vefsíðugerð & vefhönnun: Smartmedia 2012