isensv

Fréttir

Shopify, BlackBerry develop COVID-19 app; Canada to roll out voluntary tests

Canadian technology firms Shopify Inc and Blackberry Ltd are developing a mobile contact testing app for the novel coronavirus, Prime Minister Justin Trudeau said on Thursday.

California orders residents to wear masks in 'most settings outside the home'

California on Thursday ordered residents to wear masks in "most settings outside the home," saying the new rule was necessary because too many Californians were neglecting to cover their faces during the coronavirus pandemic.

New French coronavirus deaths steady, infections creep up

The number of people who died from coronavirus infection in France rose by 28 to 29,603 on Thursday, the same increase as Wednesday, but the number of new confirmed cases crept up again to reach a five-day high.

Hafðu samband

Vel fyrir neðan meðaltal

26.09.2014
Hagstofa Íslands birtir árlega upplýsingar um fjármál hins opinbera. Fyrst um miðjan mars og síðan endurskoðað yfirlit í lok septembermánaðar. Þótt um mikilvægar upplýsingar sé að ræða þá virðast þær að miklu leyti fara fram hjá fjölmiðlum og ekki setja þær heldur mark sitt á þjóðmálaumræðuna. Þrátt fyrir þetta er iðulega vakin sé athygli á birtingunni á heimasíðu Hagstofunnar, en þegar betur er að gáð þá er framsetningin e.t.v. þess eðlis að hún nær ekki að fanga lesandann.
 
Þann 23. september s.l. voru birtar endurskoðaðar upplýsingar um fjármál hins opinbera árið 2013. Þar kemur meðal annars fram að umrætt ár voru heildarútgjöld til heilbrigðismála 165 milljarðar króna eða 8,8% af landsframleiðslu. Þar af var hlutur hins opinbera 133 milljarðar króna eða um 80%, en hlutur heimilanna var um 32 milljarðar eða um 20%. Bein útgjöld heimilanna til heilbrigðismála voru þannig að meðaltali 98.260 kr. á mann árið 2013.
 
Nánari greining á tölum ársins 2013 sýnir að á mann námu heilbrigðisútgjöld hins opinbera 412 þús. króna og er það aukning um 7,9% milli ára. En frá árinu 2008 hafa heilbrigðisútgjöld samt sem áður dregist saman um rúm 10% á mann á verðlagi ársins 2013. Enn fremur sýnir samanburður við önnur OECD-ríki að heilbrigðisútgjöld á Íslandi eru neðan við meðaltal OECD og erum við nú í hópi þeirra ríkja sem eru neðar en í tuttugasta sæti af 34 ríkjum samtakanna. 
 
Í þeirri umræðu sem sífellt á sér stað á opinberum vettvangi um heilbrigðismál hlýtur að vera mikilvægt að stjórnmálamenn og aðrir séu sæmilega upplýstir um stöðu mála. Þannig þarf allt tölulegt efni að vera aðgengilegt og upplýsingar settar fram svo eftir sé tekið. Það dugar ekki að skýla sér bak við byrgða glugga og hafa framsetningu upplýsinga með þeim hætti að sérstaka aðstoð þurfi til að fá botn í hlutina. Þess í stað verður Hagstofan og aðrar upplýsingaveiturnar að vinna betur úr sínum gögnum og koma sínu efni með markvissari hætti á framfæri við leika sem lærða. 
 
 
 

Vefsíðugerð & vefhönnun: Smartmedia 2012